Forgangsmál ?

Það hlýtur að vera hægt að finna ónotað húsnæði og innrétta það sem ódýrt fangelsi.  Það eru tugþúsundir fermetra af ónotuðu húsnæði í Reykjavík og nágrannabyggðum og svo er til dæmis hægt að notast við Víðines, dvalarheimili fyrir eldri borgara sem á að leggja niður í haust.  Í Víðinesi er nóg að girða staðinn af með mannheldri girðingu og spara þannig miljarða.

Bygging nýs fangelsis boðin út

Hnífasettin aftur í tísku

Það á ekki af Framsókn að ganga, þeim tekst að stela athyglinni korteri eftir kosningar.  Þau eru aftur komin í tísku hjá þeim hnífasettin sem voru svo vinsæl á tímum Björns Inga.  Er að furða þótt ekki finnist atkvæði í kössunum sem nemur fjölda þeirra sjálfra.

Góðar fréttir ?

Þegar ég byrjaði á þessu bloggi var hugmyndin hjá mér sú að einbeita mér að góðum uppbyggjandi fréttum og láta allt neikvætt bull eiga sig.  Síðan er liðið næstum ár og engar "góðar" færslur ennþá komnar.  Þess vegna hef ég ákveðið að láta bara það flakka sem hendi er næst, svona í kjölfar Broskallabyltingarinnar og bulla af og til eins og "hinir".  

Að axla ábyrgð ?

Óli, það er einhver misskilningur í gangi, það er ekki svona sem maður "axlar ábyrgð" !